De Weekend vum 2. an 3. Mäerz fannen d'Finalen vum Indoor-Championnat statt, wou den FC Victoria mat 2 Equipen vertrueden ass. Niewt den Scolaires hunn et de leschten Weekend och eis Pupilles gepackt an d'Finalronn anzezéihen.
D'FLF huet lo d'Halen fir d'Endronnen bekannt ginn. D'Pupilles spillen Samsdes, den 2. Mäerz ab 9.00 Auer zu Nidderkäerjeng an d'Scolaires sinn Sonndes, den 3. Mäerz ab 14.00 Auer zu Mënsbech am Asaatz.
D'Scolaires vun der Ent. Rouspert/Mäertert-Waasserbëlleg hunn et gepackt an stinn no der 2. Plaz haut um Tournoi zu Rouspert an der Final vum Indoorchampionnat, déi de Weekend vum 2. an 3. Mäerz gespillt gëtt.
No zwee Gläichspiller zum Optakt géint den RFCUL an Walfer (jeweils 1:1) goufen et duerno dräi kloer Victoiren géint Rodange (3:0), Péiteng (4:0) an Ëlwen (8:0).
Félicatioun un Spiller an Trainer fir des Leeschtung !
Dësen Samsdeg, 2. Februar spillen d'Scolaires vun der Ent. Rouspert/Mäertert-Waasserbëlleg d'Halleffinal vum Indoorchampionnat an der Sportshal "Am Bongert" zu Rouspert.
Ab 14.30 Auer heeschen d'Géigner vun der Equipe vum Raffi Duhr & Alex Paulos: RFCUL, Walfer, Rodange, Péiteng an Ëlwen.
Bei dësem Tournoi wäerten sech um Enn déi éischt zwou Equipen fir d'Final qualifizéieren, déi den Weekend vum 2. an 3. Mäerz gespillt gëtt.
Eis Jongen hoffen e Samsdeg "am Bongert" op Är Ënnerstëtzung.
Fir Iessen an Drénken ass de ganzen Mëtteg iwwer gesuergt.
Niewt den Scolaires hunn sech de läschten Weekend mat den Poussins an Pupilles nach zwou weider Equipen vum FC Victoria sech fir d'Halleffinal vum Indoorchampionnat qualifizéiert.
Den éischten Sonndeg am Kalennerjoer 2019 (6. Januar) ass och schons nees Fussball "am Bongert" ugesoot, éier et zwee Deeg méi spéit mam Kayser-Cup lassgeet.
Ab 14.00 Auer spillen eis Minimes dësen Sonndeg den Repêchage vum Indoor-Championnat.
D'Géigner vun eiser Equipe sinn do den Daring Iechternach, d'Entente Syrdall, Jeunesse Jonglënster an Avenir Beggen.
Fir Iessen an Drénken ass den ganzen Mëtteg iwwer gesuergt.
Den nächsten Sonndeg 16. Dezember ass vun moies 9.00 Auer bis 17.30 Auer Indoorfussball "am Bongert" ugesoot. Eis Scolaires an Minimes spillen am Kader vum 1. Tour vum Indoorchampionnat hier Turnéieren an der Sportshal zu Rouspert.
Moies ab 9.00 Auer sinn eis Minimes am Asaatz. Sie kréien et do mat folgenden Géigner ze dinn: US Hueschtert, Avenir Beggen, Tricolore Gasperech an FC Kielen.
Den Tournoi vun den Scolaires, wou mir als Ent. Rouspert/Mäertert-Waasserbëlleg untrieden, geet um 14.00 Auer un. Niewt eis Equipe sinn do d'Ent. Biwer/Berbuerg/Gréiwemaacher, Union Réimech/Bus, Swift Hesper an RM Hamm Benfica mat dobäi.
Kommt e Sonndeg an den "Bongert" eis Jugendequipen ënnerstëtzen. Fir Iessen an Gedrénks ass den ganzen Dag iwwer gesuergt.
D'Programmer am Iwwerbléck
